പാലക്കാട്ടേക്കുള്ള തീവണ്ടി

പാലക്കാട്ടേക്കുള്ള എല്ലാ തീവണ്ടിയിലും
ഒരൊറ്റക്കയ്യനുണ്ടാകും,
കണ്ണുകള്‍ കൊണ്ട് ബലാല്‍സംഘ൦ ചെയ്യപ്പെട്ട
ഒരു ശരീരവും.
പാലക്കാട്ടേക്കുള്ളപോലെ
നാട്ടിലോടുന്ന തീവണ്ടികളിലെല്ലാം
ഒരൊറ്റക്കയ്യനും ,
പേടിച്ചരണ്ട കണ്ണുകളുമുണ്ടാകും .
മൂതൄത്തിന്‍റെ ഗന്ധമുള്ള കാറ്റില്‍
ഒറ്റക്കയ്യനും കണ്ണുകളും തമ്മിലേറ്റുമുട്ടും .
കൂകിപ്പായുന്ന തീവണ്ടിക്കടിയിൽ ‍
അവളുടെ അലർച്ചയമരുമ്പോള്‍...
ഓരോ ബോഗിയിലിരുന്നും
ഭോഗിക്കുമ്പോള്‍
ഇരുകയ്യന്മാര്‍
ഇതുപോലെ ബ്ലോഗെഴുതി തുടങ്ങും .
പാലക്കാട്ടേക്കുള്ളപോലെ നാട്ടിലോടുന്ന
തീവണ്ടിനിറയെ ഗോവിന്ദച്ചാമിമാരാണ് .